CREAMOS NO OUTONO

Boas tardes familias! 

Para este fin de semana propoñemos unha actividade divertida para facer en familia. A continuación tendes uns retos relacionados co outono. Buscade o que máis vos gusta, ide a dar un paseo polo monte e... a crear!

Podedes facer todos os retos que queirades. O que vos pedimos e que fagades polo menos un deles e saquedes fotos da vosa creación. Se saídes vós nelas moito mellor. Despois subide as fotos á Aula Virtual na entrada que se chama OUTONO, na semana do 18 ao 24 de outubro.

Estas fotos serán públicas para que o resto do alumnado da clase as poida ver.

Ademais, todas as follas, castañas, landras... que atopedes traédeas ao cole para poder seguir creando e facendo actividades.

Estamos desexando ver as vosas fotos!

COUSAS FAVORITAS

Na clase fixemos un puzzle coas nosas cousas favoritas e logo grabamos un vídeo falando delas. Premede na imaxe e poderedes ver que bonito quedou. 

Esperamos que vos gustara!

 

CREAMOS ADIVIÑAS

Aquí vos ensinamos as adiviñas que creamos na clase! A ver se sodes capaces de adiviñalas...

Para ser o primeiro vídeo que gravamos nos está nada mal, verdade?

Esperamos que vos gustara!

O CORPO HUMANO

Boas tardes nenas e nenos de primeiro e benvidos/as ao que durante este curso será o voso blogue! 

Este será un lugar para visitar coas vosas familias para que lle ensinedes algunhas das cousas que facemos na aula no noso día a día.

Subiremos actividades, fotos e vídeos para compartir con todas as persoas que vós queirades.

A primeira actividade está relacionada con ciencias aturais. Levamos uns días traballando as partes da cara e agora que xa sabedes como se chaman, a ver se sodes quen de saber a solución destas adiviñas.

Trinta e dúas cadeiras brancas

nun vello comedor,

e unha vella parlanchina

que as pisa sen temor.

Teño un tabique no medio

e dúas ventás aos lados

polas que entra o aire puro

e sae xa respirado.

Un é superior

o outro é o inferior

sen dicir nunca nada

moito se queren

por iso sempre se besan.

Que tal vos foi? Agora é a vosa quenda. Os pasos para a vosa actividade son:

1. Tendes que inventar unha adiviña xunto cos vosos pais e nais dunha parte da cara que vós queirades.

2. Aprender de memoria a vosa adiviña para poder recitala.

3. Mamá, papá, tía... deberá gravarvos co móbil ou coa tablet recitando a adiviña pero, sen dicir a resposta.

4. Entrar na aula virtual do cole (se premedes na imaxe de abaixo xa entraredes) e subir o vídeo que vos gravaron para que todos podamos vervos. 

Aquí tendes un titorial para saber como manexarvos na aula virtual.

TITORIAL

Animádevos a participar!