AS PLANTAS VI

Hoxe imos rematar co tema das plantas. A semana pasada comezamos coa reprodución das plantas e traballamos a reprodución sexual e hoxe tócanos a reprodución asexual.

Comezamos vendo o seguinte vídeo:

Toca coller a libreta e poñer o título: A reprodución asexual.

Comezamos a contestar as seguintes preguntas sobre o vídeo (pregunta en negro e resposta en azul):

1ª) Cantas plantas interveñen na reprodución asexual?

2ª) Os catro principais tipos de reprodución asexual son:

3ª) Que é un estolón?

4ª) Un exemplo de planta que se reproduce por estolóns é .................

5ª) Que é un bulbo? 

6ª) Os bulbos teñen ................  das que poden formarse novas.....................

7ª) Un exemplo de planta que se reproduce por bulbos é .........................

8ª) Que é un rizoma?

9ª) Un exemplo de planta que se reproduce por rizomas é o ...................

10ª) Que é un tubérculo? 

11ª) Un exemplo de planta que se reproduce por tubérculos é a ........................

Agora que xa rematamos o tema das plantas, seguide repasando o das semanas anteriores e estudiade o de hoxe. Podedes volver a ver os vídeos e as imaxes con información que hai no blogue.

Para finalizar a tarefa de hoxe, ides axudar á dona da horta das patacas a calcular cantas patacas vai recoller este ano.

Fixádevos ben na foto e contestade ás seguintes preguntas, que son moooooooi sinxeliñas:

a) Cantas filas de patacas plantou?
b) Se en cada fila ten 66 plantas de pataca. Cantas plantas ten en total?
c) Se cando recolla as patacas, de cada fila vai sacar 15kg. Cantos kilos vai conseguir en total?
d) Cantos sacos de 25 kg pode encher?
e) Cantos kilos de patacas lle sobran?
f) Cantos kilos necesita para encher outro saco?
g) Cantos kilos tería que recoller para encher 17 sacos?