VISITA ILLA

Onte fixemos unha saída pola Illa e a primeira parada foi a confraría, na que visitamos a aula de interpretación "O Canto do Mar".

Aí puidemos ver os diferentes tipos de ameixas que se recollen na Illa, utilizamos os calibres para ver os tamaños permitidos de captura, vimos uns vídeos das especies que se capturan na nosa ría, explicáronnos como se utilizaban diferentes aparellos para mariscar e pescar, coma o truel, o angazo, o sacho ou o trasmallo, e tamén vimos uns aparellos que se usaban antigamente, coma unha carcasa e unhas botas de mergullador.

A nosa seguinte parada foi a Biblioteca Municipal. Alí ensináronnos as instalacións e déronnos uns formularios que temos que cubrir para ter o carné, e así, poder ler todos os libros que teñen alí. Tamén podemos levalos para a casa durante 21 días, xenial! 

A última parada foi a Escola de Música. Alí un mestre e unha mestra explicáronnos os diferentes instrumentos que ensinan a tocar alí, coma o violín, o clarinete ou o piano, e puidemos ver algúns deles.

Encantounos esta visita, e ademais, aprendemos mooooitas cousas!

SAÍDA Á PRAIA

Mañá xoves, os nenos e nenas de 2º faremos unha saída á praia para merendar xuntos e coñecer unha chea de curiosidades sobre as DORNAS.

Colgaremos fotos para que vexades o ben que o imos pasar...

VISITA AO IES BOUZA BREY

O INSTITUTO FERMÍN BOUZA BREY DE VILAGARCÍA, ABRIUNOS XENEROSAMENTE AS PORTAS PARA ENSINARNOS AS SÚAS INSTALACIÓNS E DEIXARNOS ALUCINADOS CON MÁQUINAS COMO O BRAZO ROBÓTICO E A IMPRESORA 3D.

NA CLASE DE SOCIAIS TEREMOS QUE COÑECER O MUNDO DAS MÁQUINAS E APARELLOS E QUE MELLOR MANEIRA DE FACELO QUE VISITANDO UN TALLER NO QUE O PROFE BIEITO NOS ENSINOU UN MONTÓN DE FERRAMENTAS QUE UTILIZAN CADA DÍA.

ALUMNOS DO IES, FIXERON DE MESTRES PARA NÓS. ESTIVEMOS MOI ATENTOS ÁS EXPLICACIÓNS.

TIVEMOS A SORTE DE COÑECER A DIEGO, UN VECIÑO  DA AROUSA QUE É ALUMNO DO IES E QUE NOS EXPLICOU DE MARABILLA COMO FUNCIONA A IMPRESORA 3D.

ADEMAIS ROCÍO, A XEFA DE ESTUDIOS, DEIXOUNOS COA BOCA ABERTA CANDO NOS DIXO QUE CHEGARA PARA NÓS AO INSTITUTO, UNHA CARTA DE WALLY.

POIS VAI SER CERTO QUE WALLY SE ENTERA DE TODO. COMO SE ENTERARÍA DA NOSA EXCURSIÓN?

LEMOS A CARTA E NELA CÓNTANOS QUE ESTÁ DE ENTROIDO NUN PAÍS ALUCINANTE QUE TEMOS QUE ADIVIÑAR.

AS PEQUEPISTAS DESTA VEZ SON:

-        É o quinto país mais grande do mundo.

-  Neste país desemboca o río mais longo e caudaloso.

- Neste río hai moitísimas pirañas.

SABEDES DE QUE PAÍS SE TRATA?

EXCURSIÓN A PONTEVEDRA

O venres 2 de decembro fomos a ver unha obra de teatro a Pontevedra cos mestres Fátima, Juliana e Fran.

Ao chegar fomos  a visitar a praza e vimos moitos peixes e froitos.

Puidemos tocar un boi, centola e camaróns.

Na parte de arriba vimos carne, lacón, queixo e xamón.

Despois paseamos ata a Praza da Ferrería  para merendar.

E tamén para xogar.

Finalmente fomos a ver a obra de títeres chamada "De fábula".

ÁUREA E LÍA

ADEGAS ZÁRATE

O pasado día 29 de Setembro as alumnas e os alumnos de primeiro e de segundo do Torre Illa fomos visitar as Adegas Zárate. Moitos de nós non sabíamos o que era vendimar, por iso as nosas mestras decidiron levarnos e ver in situ en que consiste.

Ao chegar recibíronnos Rebeca e Eulogio na súa finca e xa nos tiñan todo preparado. Déronnos unhas tesoiras e un cubo onde botar as uvas que recolleriamos e directos ás parras! Cortamos un montón de acios e pasámolo xenial.

Cando rematamos, fomos as adegas. Alí vimos o que ocorre coa uva dende a súa chegada: a pesan, quíntanlle o raspón, a prensan, meten o mosto en barricas...

Nós traballamos a uva da forma tradicional: pisándoa. Descalzámonos e a pisar as uvas! Foi unha sensación moi rara pero encantounos.

Ensináronnos todas as instalacións e explicáronnos moi ben todo o proceso. 

Así rematou a nosa visita: con ganas do vindeiro Setembro para poder repetir a experiencia.