PAISAXE NATURAL E HUMANIZADA

A actividade de hoxe consiste en facer un mapa conceptual igual que o que fixestes co voso equipo sobre as paisaxes. Os pasos que tendes que seguir son:

1. Ler o seguinte texto un par de veces.
2. Pensar cal vai ser o título principal e cales os secundarios.
3. Escribir todos os subtemas que queredes que aparezan.
4. Facédeo nunha folla en sucio para poder facer os cambios necesarios antes de facelo en limpo.
5. Fixádevos nas cores que utilicei para axudarvos un pouquiño.😊

RECORDADE QUE NON HAI QUE ESCRIBIR TODO O TEXTO. SÓ PALABRAS IGUAL QUE FACEMOS NO COLE.

As paisaxes naturais son aquelas nas que o ser humano non interveu en absoluto.
Unha paisaxe natural tarda moitos anos en cambiar. Estes cambios prodúcense debido:

• a auga da chuvia ou dos ríos desgasta o chan e arrastra rochas. Isto chámase erosión;
• o vento desgasta as montañas e arrastra terra dun lugar a outro;
• a temperatura e as chuvias. Dependendo de ambas haberá máis ou menos plantas.

Os elementos que podemos apreciar nunha paisaxe natural son:

• o relevo, que pode ser montañoso ou chan;
• a auga, nos ríos, lagos, mares...
• a vexetación, árbores, arbustos, herbas...
• a fauna, os animais que hai en cada lugar.

As paisaxes humanizadas son as que si sufriron a intervención do ser humano.

Poden ser: paisaxes agrarias, paisaxes industriais e paisaxes urbanas.

As paisaxes agrarias son aquelas que se forman cando as persoas cultivan a terra. Os elementos que nos atopamos na paisaxe agraria son:

• os campos, que son os lugares onde se cultiva a terra;
• os pobos, onde vive a xente que traballa no campo; e
• os camiños e estradas, para comunicar os pobos e os campos.

As paisaxes industriais son aquelas que teñen industria. Os elementos que a forman son:

• as fábricas e os talleres;
• as vías de comunicación;
• as conducións de petróleo, gas e electricidade 

As paisaxes urbanas son as que non teñen elementos do campo. Estas cambian continuamente. Os elementos destas paisaxes son:

• os edificios e as casas, onde viven ou fan vida (super, cole, tendas...) os habitantes das cidades 
• as rúas;
• os barrios das cidades.

Este exercicio o podedes facer nun folio, na libreta ou nunha destas opcións que vos dou:

- APPS para a tablet ou o móbil: Mindmeister (a que usastes na clase)e Popplet para Ipad e, miMind para Android.
- PÁXINAS ORDENADOR: Canva, Creatly, Bubbl.us, Draw.io

Unha vez a teñades sería interesante que a mandarades ao blog para ver que tal vos foi a actividade e poder ensinala aos demais.

Ademais, como sempre aquí tendes os enlaces:

O vídeo de hoxe axudaravos a debuxar o seguinte unicornio paso a paso:

Os deberes para o fin de semana son os seguintes:

1º- Accede á páxina do teu curso:

    4ºA: Tipos de paisaxes

    4ºB: Paisaxes

2º- Comeza pola parte de arriba da columna e vai facendo o que se manda ata que chegues á parte de abaixo de todo.

Falamos o luns! Un bico enorme