AS PLANTAS IV

Bo día, chicas e chicos! Estades estudando o tema das plantas? É importante que vaiades estudando pouco a pouco, porque cando o rematemos, faremos un control.

Hoxe non ides ver un vídeo, ides facer un título na libreta de Natu, que poña "A NUTRICIÓN DAS PLANTAS" e logo faredes un debuxo dunha planta cun talo un pouco ancho para que poidades facer as flechiñas que aparecen no debuxo que hai máis abaixo. Ao rematar o debuxo, escribiredes os diferentes pasos que necesita a planta para facer a súa función de nutrición.

Agora toca contestar as seguintes preguntas:

1ª) Que absorbe a planta a través da raíz?
2ª) De que está formado o zume bruto?
3ª) O zume bruto ascende por uns................... que están dentro da raíz e do ............. e chega ata as...............
4ª) Que collen as follas do aire?
5ª) O alimento da planta é o zume elaborado, que se forma ao mesturar o ............. bruto e o dióxido de .................., coa axuda da luz do ..............
6ª) Como se chama o proceso que acabas de escribir na pregunta 5?
7ª) A fotosíntese ocorre durante o día. Por que pensas que non se produce durante a noite?
8ª) Que expulsan as plantas cando realizan a fotosíntese?
9ª) Por onde se reparte o zume elaborado?

E agora, toca estudar!

O traballo de Snappet para hoxe é:

> Lengua Castellana
> Lecciones
> Gramática
> Pronombres personales

Hoxe, para rematar, uns experimentos para facer con auga e coa axuda dun adulto.

Podedes mandar unha foto vosa con algún destes experimentos.

Moitos bicos e ata mañá!